Archive for the ‘Poetry’ Category

Na koi khwab na saheli thi   1 comment

Na koi khwab na saheli thi
Us muhabbat mein main akeli thi

Ishq mein tum kahan ke sache the
Jo aziyyat thi, ham ne jheli thi

Yaad ab kuchh nahin raha lekin
Ek darya tha ya haweli thi

Jis ne uljha ke rakh diya dil ko
Woh muhabbat thi ya paheli thi

Main zara si bhi kam wafa karti
Tum ne to meri jaan le li thi

Waqt ke saanp kha gaye us ko
Mere aangan mein ik chambeli thi

Is shab e gham mein kis ko batlaoon
Kitni roshan meri hatheli thi

– Naushi Gellani

Advertisements

Posted October 25, 2007 by shueyb in Literature, Naushi Gellani, Poetry, Urdu

Mere azizon tamam dukh hai   6 comments

Mere azizon tamam dukh hai

Hayat dukh hai, mamaat dukh hai

Yeh sari mohoom o be-nishan kayenat dukh hai

Wajood dukh hai

Wajood ki yeh namood dukh hai

Yeh hona dukh hai

Na hona dukh hai

Judai to khair aap dukh hai

Milaap dukh hai

Ke milne wale judai ki raat mein mile hain

Yeh zinda rehne ka shauq, yeh ehtemam dukh hai

Kalam dukh hai

Ke kaun keh saka hai jo mawra-e-kalam dukh hai

Mere azizon tamam dukh hai 

Courtesy: Hermes Blue

Posted August 20, 2007 by shueyb in Buddha, Literature, Poetry, Urdu